Qeveria: Mitingjet do të ndalohen deri më 25 mars

Qeveria: Mitingjet do të ndalohen deri më 25 mars

March 19, 2021 0

Ndalimi i grumbullimeve, një nga masat e marra për frenimin e përhapjes së koronavirusit do të përfundojë më 25 mars.

Në vendimin e publikuar në fletoren zyrtare, të firmosur më 11 mars nga Komiteti Teknik i Ekspertëve është zëvendësuar togfjalëshi “deri në një afat të dytë” të urdhërit të parë me “deri më datë 25.3.2021”.

Ndryshimi erdhi pas kërkesës së Gjykatës Kushtetuese një javë më parë ku ajo kërkoi që masat anti-Covid të kishin të qartë kohë-zgjatjen se deri kur janë në fuqi.

Gjykata kishte shqyrtuar edhe padinë e ngritur nga Partia Republikane e cila e konsideronte shkelje ndalimin e tubimeve dhe aktiviteteve politike.

Në ditën e përfundimit të kësaj mase, do të nisë zyrtarisht fushata elektorale për zgjedhjet parlamentare të 25 prillit.