Zhytur në kristale swarovksi, Rina Balaj vjen me performancën në festivalin grek

Këngëtarja e njohur shqiptare, Rina Balaj prej kohësh është zhvendosur në Greqi atje ku po jeton dhe punon për projekte të reja bashkë me partnerin e saj, Sin Boy.

Së fundmi në Greqi, ajo performon bashkë me shumë emra të njohur atje dhe është bërë pjesë e një festivali.

Artistja e shumë hiteve ka shkëlqyer me paraqitjen dhe performancen atje, ndërsa së fundmi edhe ka ndarë disa imazhe në llogarinë e saj në Instagram.

“Zhytur në kristale swarovksi”, ka shkruar Rina në mbishkrimin e imazheve.

Për këtë paraqitje, Rina zgjodhi të shfaqej e veshur me një veshje dypjesëshe me ngjyrë të gjelbër me shkëlqim të cilën e përshtati me çizme të gjata me të njëjtën ngjyrë, ndërsa shtoi edhe një palë syze.

Krahas këngës, Balaj mori vëmendjen e publikut edhe me linjat joshëse të trupit teksa dukej mahnitëse.

Rinës në skenë iu bashkua edhe reperi Sin Boy me të cilin përveç që është në lidhje, dyshja numërojnë edhe disa bashkëpunime që kanë rezultuar mjaft të suksesshme. 

revista.one/