Shkarkimi i Presidentit Ilir Meta, deputetët marrin mesazh nga Gramoz Ruçi

PS nis procedurat për shkarkimin nga detyra të Presidentit të Republikës, Ilir Meta.

Mësohet se socialistët kanë iniciuar zyrtarisht shkarkimine  Metës.

Burimet bëjnë me dije se deputetëve socialistë u është shpërndarë propozimi i bazës. Aty kërkohet shkarkimi i kreut të shtetit. Atyre u është kërkuar që secili të firmosë. Shkakimin e parajmëroi edhe kryeministri Rama në një intervistë për mediat.

Në celularët e deputetëve ka mbërritur një SMS nga Kuvendi. Sipas saj, kërkohet që ligjvënësit e majtë të paraqqiten në zyrën e Gramoz Ruçit.

“Të dashur kolegë, bazuar ne disa shkelje të rënda të Kushtetutës sipas parashikimeve të nenit 90, nga ana e Presidentit Ilir Meta përpara dhe gjatë fushatës zgjedhore, në konsultim me Kryesine e Grupit Parlamentar kemi vendosur te iniciojmë Procedurën e Shkarkimit të Presidentit të Republikës. Për ketë qellim ju lutem siguroni prezencën tuaj pranë Zyrës se Grupit Parlamentar për të firmosur propozimin për shkarkimin e presidentit”, thuhet në mesazh e siguruar nga mediat.

Presidenti Ilir Meta dy ditë më parë, tha se do të vijojë të qëndrojë në Presidencë deri më 22 korrik 2022.

revista.one/