Stresi: Mos u besoni shokëve të Mehmet Qemës, ata e lanë shtrirë, e vranë me vonesën e tyre

Mehmet Qema u la nga shokët 30 minuta i shtrirë, deklaron reperi i njohur Stresi . Ai ka kërkuar për mediat që të mos besojnë këdo, duke cilësuar fajtorë shokët që e vranë teksa vonoheshin për ta dërguar në spital. Për më tepër, ai shprehet se ata e dërguan në spitalin e gabuar.

I bëj thirrje të gjithe mediave mos të besojnë këdo në këtë histori të dhimbshme sepse bëhet fjalë për një djalë që është vrarë aksidentslisht. Po, është e vertetë por fajin s’e ka shteti, por shoqeria që e lanë 30 min pa e çuar në spital … Sepse mblodhën gëzhojën pse u gjet pistoleta e hedhur. Ndërkohe që duhet të merrnin viktimën në krah e ta dërgonin në Spitalin Ushtarak e jo tek Nënë Tereza sepse tek Spitali Nënë Tereza e dimë s’ka policë. Kështu që i bej thirrje mediave, mos besoni këdo, kini kujdes!” shkruan Stresi.

Vrasjes së 27-vjeçarit Mehmet Qema, mik i shumë këngëtarëve, ndodhi në rrugën “5 Maji”, Tiranë, para tre ditësh.

Ai i qëllua me armë zjarri nga shoku i tij, Marjus Dema. Ky u shpreh se nuk e dinte që pistoleta ishte e mbushur.

Ngjarja e rëndë ndodhi pas orës 23:00. Qema u dërgua në spital nga miqtë e tij. Por fatkeqësisht mbërriti i pajetë në duart e bluzave të bardha.

Autori u vetëdorëzua në polici, ndërsa në Drejtorinë e Tiranës u vetëdorëzua pas negociatave të policisë me avokatin dhe familjarët e tij.  Mes lotësh, Dema është shprehur në polici se nuk donte që ta vriste shokun dhe se nuk e dinte që pistoleta ishte e mbushur.

“Armën në tavolinë e solli Mehmeti, na tha se e kishte gjetur në rrugë. Arma ishte pa karikatorë dhe e vjetër. Unë e mora pasi i kam qejf armët dhe po luaja me të e po ua drejtoja shokëve, sepse e konsideroja të padëmshme.

Nuk e dija se kishte plumb brenda. Pas krimit u trondita shumë nuk e mbaj mend ku e lashë armën”, mësohet të ketë thënë 28-vjeçari në polici.

revista.one/