“Të dashurat e Bashkimit”, Alvisës i vjedhin Instagramin, dalin në shesh të palarat e konkurrentëve

Ish-konkurrentes së “Për’puthen”, Alvisa Qarri i kanë vjedhur llogaria private të Instagramit ku jo vetëm që ka mijëra ndjekës, por edhe mesazhe të ndryshme me konkurrent dhe ish-konkurrent të “Për’puthen”.

Një ndër bisedat ishte edhe me Albin, i cili ka disa ditë që ka dalë nga programi.

Duket se nga mesazhet e treguara, Bashkimi mund të ketë pasur edhe të dashura të tjera, për të cilat Alvisa ka qenë në dijeni.

Një ‘screenshot’ tjetër tregon se si Alvisa përpiqet të komunikoj nga një faqe tjetër me personin që i ka vjedhur Instagramin.

Bashkimi dhe Alvisa u deklaruan për njëri-tjetrin në studion e “Për’puthen”.

Por lidhja e tyre nuk zgjati shumë jashtë programit.

Ishte Bashkimi ai që deklaroi ndarjen nga Alvisa nëpërmjet një postimi në story, ndërsa kjo e fundit ka treguar për herë të parë arsyet e ndarjes në “Prive”.

“Janë disa gjëra që dolën ndryshe nga të dyja palët, por gjithsesi unë e vlerësoj shumë si njeri. Jam shumë e lumtur që e kam njohur pavarësisht të gjitha gjërave, por kjo është jeta, gjërat nuk shkojnë siç duam ne.

Ndarja nuk ka ardhur befasisht. Para se Bashkimi të publikonte atë story, kemi kontaktuar me njëri-tjetrin, jemi takuar dhe kemi vendosur që njohja jonë të përfundonte aty. Ishte një vendim që e kemi marrë të dy së bashku.”- u shpreh ajo.

Alvisa ka arritur të rikthejë llogarinë e saj të “Instagram”, duke reaguar për herë të parë lidhur me këtë ngjarje.

Ajo ka postuar një ‘story’, në të cilën i ka kërkuar ndjesë të gjithëve për publikimin e bisedave dhe ka paralajmëruar për marrjen e masave mbi shkeljen e privatësisë.

“Ju kërkoj ndjesë për bisedat dhe gjithçka që u publikua. Do merren masa për këtë shkelje privatësie.”- ka shkruar ajo në “Instagram”.

revista.one/