Basha dhe Rama përplasen dhe prishin Ditën e Verës në Elbasan

Basha dhe Rama përplasen dhe prishin Ditën e Verës në Elbasan

March 14, 2021 0

Politika është zhvendosur sot në Elbasan për festimet e Ditës së Verës. Njëri pas tjetrit, në këtë qytet mbërritën Basha dhe Rama.

Kreu i Partisë Demokratike, Lulzim Basha, mbërriti paraditen e sotme në Elbasan, ku u prit nga simpatizantë të shumtë të kësaj partie.

Si mirëseardhje, Basha mori një tufë me lule dhe veroren, simbol i festës.
Ndërsa Basha u përcolli urimet për Ditën e Verës, nuk munguan dhe thirrjet “Rama ik!”

Pas tij u shfaq dhe kryeministri Rama i shoqëruar nga Taulant Balla dhe kryebashkiaku i Elbasanit.

Thirrjet “Rama ik” e shoqëruan gjatë parakalimit të tij në sheshin ku ishte vendosur panairi artizanal.