Bebe Rexha ngjitet e para në top listën e albumeve më të mira debutuese në Spotify

Doli vetem disa dite me pare,  “Better Mistakes” i Bebe Rexhes kryeson listën e 10 albumeve më të mira debutuese në Spotify. Kjo eshte platforma me e madhe muzikore ne bote.

Ky album i cili vjen pas disa vitesh punë intensive, po shpërblehet me meritat e duhura për shumë nga këngët e tij, që tashmë janë pëlqyer në masë të madhe nga publiku.

Arritjen e ka bërë të ditur vet Spotify përmes një postimi në rrjetin social Instagram me 10 albumet më të mira debutuese, me artisten shqiptare në krye të saj.

E lumtur për këtë sukses, Rexha e ndau me ndjekësit e saj në InstaStory këtë fakt, duke i falënderuar ata për suksesin e dhënë deri më tani.

“Better Mistakes” është një album me 13 këngë të artistes, disa prej të cilëve janë publikuar me klipe, si këngët: “Baby, I’m Jealous” (bashkëpunim me Doja Cat), “Sabotage”, “Break my heart, myself” (bashkëpunim me Travis Barker).

Vet artistja ka treguar se këngët e albumit i përkasin zhanrit dark-pop, frymëzuar nga problemet e saj ndër vite me shëndetin mendor.

revista.one/