Filmi i ri i Dior për parfumet ju çon në një udhëtim rreth globit

“Nose”, arratisja imagjinare që na duhet tani

Nëse keni një orë kohë dhe ju duhet një relaks mendor (dhe ndonjë motivim për të rezervuar udhëtimet tuaja të para pas COVID), bëni një takim me “Nose”. Filmi trajton krijimin e parfumeve: përmes syve të parfumierit të vjetër të kompanisë Dior  dhe ikonës së industrisë, François Demachy.

Filmi dokumenton dy vjet të jetës së tij, duke vizituar plantacionet me aromatik në Sulawesi, Indonezi. Pastaj shpërndahet në të gjithë botën, ndërsa ai kthehet në Kalabri, në ishullin e vogël Nosy Be në Madagaskar, në pyjet e Sri Lankës dhe madje kap edhe “ambergris” (lëndë tretëse nga sperma e balenave – po, ju e lexoni mirë – një aromë e ëmbël dhe muskulore që Demachy e quan “misterioze dhe magjike”) përgjatë bregut të County Clare të Irlandës.

Aktiviteti bazë i kompanisë është midis Parisit dhe Grasse, epiqendra e parfumerisë franceze, ku, duke u rritur, Demachy mprehu ndjenjën e tij të nuhatjes mes fushave me jasemin dhe trëndafil. Ai kishte lindur për të bërë parfume.

Për premierën virtuale në fillim të këtij muaji, Dior u ofroi shikuesve një përvojë, ku Demachy përzien aromat në skenat përkatëse. Ndërkaq zëdhënëset e Dior – Natalie Portman, Eva Herzigova dhe Virginie Ledoyen – i japin një famë të madhe filmit, ndërsa pasionantja e parfumeve dhe ish-drejtoresha e Bukurisë e revistës Marie Claire, Erin Flaherty ofron një rrëfim kulturor të gjithë historisë.

François Demachy u ndihmua nga Clément Beauvais dhe Arthur de Kersauson. Dyshja e ndoqi  Demachy-n në udhëtimet e tij të largëta tek burimet e përbërësve rreth globit për dy vjet.

Filmi jep një pamje të brendshme të artit të krijimit të parfumeve të imëta, duke distiluar procesin krijues, përbërësit e çmuar së bashku me histori nga njerëzit që i rritin ato. Të gjitha këto sjellin peizazhe të ëndërruara nga destinacione si Indonezia dhe Madagaskari.

 “Nose” u prezantua në 22 Shkurt në Apple TV, Amazon Prime Video dhe Google Play. /revista.one/